貿易戰中國強硬無比 特朗普怒氣無處可發 睬你都傻!

2018年10月21日     9,697     檢舉

美國話喎,除非中國答應曬佢嘅貿戰條件先肯談判,吹水唔抹嘴,故中國一於睬佢都傻!尋日其中一隻侵侵走狗、美國國家經濟委員會主席庫德洛就公開表示嬲豬,投訴話中國冇積極回應美方訴求,真係十足小學雞向老師告狀咁款!

暗示關稅賤招將持續

庫德洛昨在底特律經濟俱樂部發表演說時,繼續三幅被本色,先批評指中國的貿易行為違法,繼而話中方沒有作出最大努力回應美方要求,又表示總統侵侵關稅徵得好,因為可以幫到美國人,當然唔少得明示暗示要繼續向中國持續施壓云云,總之聽完即時令人頓悟老美相當偉大啦。果然係侵侵隻狗,講嘢同侵侵如出一轍!

嫌煩都要再提侵侵同佢班走狗們一句,中國從來都唔怕打貿易戰,只係本住共同合作可以令雙方贏得更多嘅態度,先會肯同你哋傾,如果美國仲講咩「中國唔願意配合」嘅「廢」腑之言,到時中國真係唔配合起上嚟,美國諗定後路都得喇!