搞太空軍對付中國 老美不排除用核武 撐祖國發展太空核力量!

2018年10月24日     1,433     檢舉

即使戰線移到太空,中國都絕對唔會輸蝕!美國唔知係唔係覺得貿易戰中形勢好差,所以就想轉移視線,仲一轉就轉上太空。美國副總統彭斯(Mike Pence)話,最快喺2020年組「太空軍」(Space Force),又大講歪理話和平係要用力量維繫,為保護美國國民,不排除可能喺太空用核武喎!

彭斯琴日話,侵侵一直都諗緊發展美軍第六個軍事部門「太空軍」,個個星期都問進度,最新情況係希望下年投票立案通過建立太空軍,最快可以喺2020年組建,又指美國國家航天委員會(National Space Council)已經向侵侵提供意見,初步構思整一個統一太空指揮部。

借和平之名搞暴力?

佢又話,太空同海空都係戰爭領域,美國會好似喺地球時咁保持主導位置喎。當被問到喺太空會唔會禁用核武時,彭斯居然冇直接咁答,只係話相信力量可以帶來和平,政府一直都以保護為重心,仲無啦啦提到中俄,話佢哋已經發展緊太空武裝設施,係太空競爭裡嘅對手。

老美喺地球搞搞震不特止,呢家仲想將魔爪伸到去外太空,認真痴線!面對惡勢力,中國一定要更強大。撐祖國發展太空核力量,抗民主邪惡軸心霸權!