藝人在娛樂大家嘅背後,都會有自己嘅意見同立場,表達出來有咩問題

2018年10月29日     356     檢舉

藝人在娛樂大家嘅背後,都會有自己嘅意見同立場,表達出來有咩問題?天王巨星劉德華日前為團結香港基金的填海短片配上旁白,立即受到大量平日口口聲聲話尊重言論自由嘅黃絲獨友瘋狂攻擊。事隔已一段日子,黃媒《蘋果日報》居然仲唔肯放過華仔,今日刊登一篇以〈Unfriend劉華〉為題嘅專欄文章,繼續傳播仇恨,似乎想置華仔於死地為止!

欲挑反華仔情緒?

黃媒毒果今日刊登一篇以〈Unfriend劉華〉為題嘅專欄文章,說話懶係持平咁,最後目的都係想攻擊華仔,叫大眾杯葛佢,認真可惡!文章回應有人指班黃友獨友係公審係欺凌時,居然嘗試淡化事件,話班友係愛惜華仔先會有依家嘅「可惜」,又話華仔「忽然甘心替別人做包裝門面的花紙」、「先割了與香港人同坐的席」。幾句妖言就反客為主,由明明係自己公審華仔,變成係華仔嘅「錯」!

文章更疑似想挑起大眾反華仔嘅情緒,先係講自己跟警察朋友絕交的故事,顯出自己的仇警,然後話係「義與不義,是公道與歪理之別」,幫自己大戴高帽。之後將件事套落華仔身上,話「價值觀不同,支持暴力,支持貪腐,支持搬龍門,支持利益輸送,真係冇得做朋友。完」,言下之意正係叫大眾「unfriend」華仔!

其實佢所講嘅「支持暴力」、「支持搬龍門」咪係班反對派時時做嘅事,點解有口話人無口話自己?